Advertisement

夾BAND50年 溫拿宣布告別 「凡事都有一個終結」│封面故事

本地
2023.05.19
撰文:劉家倫攝影:洪志富

由譚詠麟、鍾鎮濤、彭健新、陳友及葉智強組成的溫拿樂隊,1973年成立,今年成軍50周年,八月將舉行第九次紅館演唱會,這次「合體」之後,溫拿將與歌迷正式告別。
今次溫拿在《明周》宣布告別,阿倫解釋:「凡事都有一個終結,趁住大家仍然在一個好狀態。」他們又以志偉開party來比喻,「未醉之前影咗張合照先。」

今年是溫拿五十周年,他們選擇在今年八月的演唱會向歌迷告別,本月底歌迷準備撲飛了。
今年是溫拿五十周年,他們選擇在今年八月的演唱會向歌迷告別,本月底歌迷準備撲飛了。
溫拿五十年來為香港人帶來不少歡樂,他們說溫拿精神不會因告別而消失。
溫拿五十年來為香港人帶來不少歡樂,他們說溫拿精神不會因告別而消失。

溫拿是華語樂壇最長壽樂隊,其實早於1969年,譚詠麟(阿倫)、陳友、彭健新、葉智強,還有陳百祥和陳百燊兩兄弟已組成The Loosers樂隊;1971年,陳百祥兩兄弟到中東工作,阿倫亦到新加坡升學,The Loosers只好解散。
直到1973年,阿倫返港重遇陳友、彭健新、葉智強,四人決定重組樂隊,鍾鎮濤(阿B)相繼加入,在Uncle Ray建議下,由The Loosers改名為The Wynners,也就是溫拿。


成軍50年,年紀最小阿B亦已「登七」,但溫拿五虎仍然充滿活力,五人一起的時候,必定笑聲不斷,陳友說:「『登七』之嘛,我哋仲壯壯健健,好正能量喎!今日唔知聽日事,有得唱就唱囉!」

上次溫拿開騷,已是16年《溫拿NEVER SAY GOODBYE演唱會》,今年8月6日,他們第九次於紅館開騷,這次名為《Farewell With Love》,顧名思義,這次是溫拿的告別派對,阿倫一臉正經說:「容許我代表大家講少少說話,我想嚴肅少少,我哋五個都是香港仔,生於斯、長於斯,但凡事都有一個終結,不過,今次是哀而不傷,雖然帶着無奈,同時亦都帶着開心的心情,趁住大家仍然在一個好狀態,講真,我哋都要量力而為。」

阿倫以志偉飲醉來比喻告別,「我們都要顧及歌迷,溫拿有好多不同層面的歌迷,在最頂嗰層,將來有沒有機會再睇到溫拿在舞台呢?真係唔知道,提早搞個party囉,曾志偉成日都係咁,開party前影咗相先,因為醉晒就影唔到。」
溫拿多年來,都有傳過他們告別,問今次是由誰發起這個決定?阿倫說:「是大家傾好的,其實對上一兩次開演唱會時,都有人講過話不如告別啦!我當時係大力反對,溫拿很代表香港、代表一種精神力量和正能量,不過,其實這個能量不會消失,如果香港將來有什麼需要我哋,我哋一定會企返出嚟,為大家效力,但係一些商業性和大型演出,我哋就不會再答應出現。」阿倫續說:「可能有人話,喂!你哋咁樣講告別,會唔會係諗住開多幾場呀?冇,唔需要。」

阿B呼籲歌迷以懷舊打扮到演唱會欣賞
阿B呼籲歌迷以懷舊打扮到演唱會欣賞

五位一票通過告別?陳友說:「其實都冇乜好反對,人生規律,阿倫講得好好,就好似志偉開party咁,未醉之前影咗張合照先,邊個飲醉咁點呀?人生估唔到,聽日會發生乜事?咁不如開個party先啦!」陳友爆料,很多年前,是他提出溫拿停一停,「都幾十年前,好似喺商台定港台?有個草地應該係港台,當時阿B和阿倫開始好多人搵佢哋周圍飛,我哋做完宣傳又攤喺草地傾偈,我就同班兄弟講,喂!不如大家各自發展下先啦。」阿健補充:「係呀,嗰陣溫拿仲玩緊㗎嘛,突然間陳友提出呢樣嘢!」阿倫又插嘴,「喂,呢啲係我哋私底下講㗎!嗰陣時我有講過,點都好,每五年聚一次啦!所以咁多年來,五年、八年都聚一聚。」

溫拿在73年登上《明周》封面,這個封面同樣有五十年歷史。
溫拿在73年登上《明周》封面,這個封面同樣有五十年歷史。
姜濤 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹