韓國劇集《魷魚遊戲》成為了Netflix全球排行榜第一位，除了主角456成奇勳（李政宰飾）爆紅外，連帶飾演幕後主腦老伯001的吳永洙亦極速上位，最近他到劉在錫主持的《玩甚麼好呢》做嘉賓，分享對獲得456億的想法。
《魷魚遊戲》成為熱話，現年76歲的吳永洙表示不太習慣，因為落街飲杯咖啡都被人望到實，覺得突然爆紅都係一件辛苦事。劉在錫問吳永洙，如果有機會得到456億獎金打算會點樣用，伯伯就話自己諗都冇諗過，因為佢喺物質方面已經冇追求，假若有咁多錢一定會改善囝囡生活先，之後會幫老婆完成所有願望，最後剩低嘅錢就會回饋返社會幫助大家。
在演藝圈打滾了58年的吳永洙，他透露自己差不多走到人生盡頭了，離開人世後什麼也帶不走，所以想把自己所有東西留給大家，就如現在睇到美麗嘅花，佢一定唔會拔走，希望靚花留喺原地，為其他人帶嚟美好。伯伯說畢，坐在劉在錫身旁的美珠不禁惑動落淚。
