陳庭欣(Toby)出名愛動物，家中除了養鸚鵡Shabushabu，更養了一隻查理斯狗仔Winter及一隻比高犬一姐，適逢新年Toby梗係要幫小動物搞搞新意思應節，今年她將Winter及 一姐以醒獅裝打扮出動拜年，雖然一身打扮相當可愛，但似乎兩隻愛犬唔多受落，擺出一幅無奈模樣，最後Toby只好影完一輪靚相後放過牠們，而鸚鵡Shabushabu就比較好彩，只係是年廿八洗邋遢，「過時過節都需要有氣氛，所以每年都會與家中的小動物一齊參與，咁新年當然要幫佢哋打扮得紅噹噹，配合返農曆新年，但鸚鵡Shabushabu就因無得著衫無辦法，但因為牠好喜歡沖涼，所以就做另外一樣嘢嚟應節，就係喺年廿八用祿柚葉沖涼去一去衰氣，每年我會買祿柚葉俾自己沖之外，都會留返兩塊葉幫Shabushabu沖涼，而狗仔就可以買衫襯下，但發覺每次著完衫，佢哋都一幅唔開心嘅樣，可能真係唔太喜歡著衫，所以只係攞個氣氛，影完相就算了。」
