【韓劇推介】《Delivery Man》鬼魂遺願清單

正

方珉雅以及尹燦榮人鬼相遇，創出一條財路。

在追看《模範的士２》，睇緊金道奇揸住的士懲罰惡人，而《Delivery Man》又是講的士，不過的士佬徐英敏（尹燦榮飾）唔係Batman，係有陰陽眼見到鬼嘅貧窮戶，想不到因為雙眼見到鬼，竟然闖出一條財路，就是幫鬼魂了結遺願。

+17

金珉鍚演急症室醫生，是方珉雅以及尹燦榮的得力助手。

劇中飾演女鬼姜智賢是女團Girl’s Day出身的方珉雅，因為死後失憶，唔知自己姓乜名乜，靈魂附身在手機中，而手機主人卻遺留在徐英敏的士內，因此二人遇上，原來女鬼跟徐英敏母親有共通點，二人可能因同一事件死亡。

揸住的士做「鬼生意」，除了有錢賺還可以幫鬼完成遺願。

故事開始幾搞笑，尤其是初遇女鬼，令到徐英敏冇生意，客人一上車就覺得陰陰森森，紛紛要落車，生意慘淡，直至幫了一個男鬼魂把遺物送回家人手中而完成遺願，從家人手上得到金戒指做回禮，令他開創了獨市服務「鬼魂專用司機」，人鬼開始合作。

這隻男鬼的遺願是想和初戀睇戲拍拖，二人合力促成。

尹燦榮為了演活的士佬，他說自己在開拍前坐了好多的士，不停問的士司機問題，終於知道私人及公司的士分別，知道的士佬揸車的日常生活及難處，而每天也學習開車，令自己更容易投入角色中。

庭沼珉有份客串做女鬼

《Delivery Man》

黃Viu煲劇平台 逢周三、四晚上9:20播映