哥哥張國榮昨日（1日）逝世23周年，有網民昨晚看完無綫新聞報道，由TVB首席體育記者兼主播陳焜傑的一段世界盃附加賽報道中，用了多首哥哥的歌名來懷今哥哥。該網民留言：「今（昨）日四月一日，啱啱睇無綫新聞報緊世界盃附加賽，忽然聽到有好多首哥哥嘅歌名，估唔到一個新聞報道可以用到咁多哥哥嘅歌名，陳焜傑的確係個有心人，竟然可以用體育新聞來懷念張國榮」。
該網民上載報道片段，是伊拉克與玻利維亞的賽事中提到：「拍著《側面》嘅艾哈馬迪被貼身之下，10分鐘頂成1-0」、「門將《左右手》伸盡都救不到」、「38分鐘平手，《由零開始》」等，並在留言區逐一列出歌名，包括有：《側面》、《風繼續吹》、《左右手》、《由零開始》、《今生今世》、《這麼遠，那麼近》、《黑色午夜》、《當年情》、《有誰共鳴》、《大熱》、《無需要太多》等。
帖文隨即在網上瘋傳，郭羨妮亦有留言大讚：「有心人」！彭秀慧：「掌聲給予陳焜傑！」林俊其：「我啱啱都有睇新聞，聽到都覺得好有feel！」有網民則表示：「佢上年都係咁，每幾句說話就講出張國榮一首歌名」、「有睇開佢報，每年都係咁嘅，陳焜傑係哥哥歌迷」。
