《全民造星VI》冠軍TELLER（王偉俊）日前現身《MOOV 20 Music Station》現場音樂企劃，即場獻唱《I’m telling you》、《溺愛》及《仙女座事故》三首作品，吸引數百樂迷到場支持，場面熱鬧。
TELLER甫開場即自揭口頭禪習慣，原來源於好友Jacky Fan（范卓賢）曾向他提問「Nice」以外的口頭禪。TELLER笑說：「我其實除了『Nice』之外呢，我發覺每次出Show都會講『What’s up, make some noise!』，我返去會話吓Jacky Fan唔好亂爆嘢。」他隨即「反擊」爆出Jacky Fan的小習慣：「其實佢都有啲小習慣，會冇啦啦坐低喺度作歌，呢個係好嘅小習慣。」
TELLER在活動中深情剖白內心世界，又逐一解構身上紋身的背後意義。他分享年幼時經常聽廣東歌，成為日後創作的養分：「我第一個聽嘅廣東歌係陳奕迅嘅《十面埋伏》、《單車》，家人買咗電腦俾我上網聽，聽到好多Remix歌啟發我嘅創作靈感。」談及最近大晒肌肉照，TELLER表示有意推出相集，更自信稱最滿意現時身型，認為是操得最Fit的狀態。
大會宣布梁釗峰將成為《MOOV 20 Music Station》下一場嘉賓，分享他的音樂故事。TELLER聞言即把握機會向釗峰「下戰書」：「當年《造星》係我哋第一次見面，當年佢讚我最有星味，我想考吓佢記唔記得同我講過呢句說話。」
