MIRROR小隊「夜粥小組」王智德（Alton）、江𤒹生 （Anson Kong）、陳瑞輝 、（Frankie）和楊樂文（Lokman），昨晚（28日）在亞博舉行《Manifest |W.T.F. Live 2025》演唱會，一開場便勁歌熱舞，令全場氣氛熾熱。
Lokman唱完《大丈夫》後，向歌迷致謝，更突然哽咽流淚，坦承覺得很辛苦，「好多唔同心情變化同流動，感覺到在座各位同我哋一齊行上呢個舞台，多謝。」AK及Alton、Frankie之後同樣不禁落淚，場面感人。AK除了向歌迷致謝，更要感激幾位夥伴並肩同行，希望以後能舉行更多類似這種期間限定的音樂會，「多啲嚟密啲手，下次玩得再盡興啲，幾辛苦都唔怕。」一直寡言的Frankie則向三位夥伴示愛，「我好少講呢句說話，我愛你哋！」Alton透露當知道要演出這個音樂會時，心中有許多未知之數，既不知如何做，又不知該做什麼，即使開會很多次也找不到答案，「真係好恐怖！繼續行，係更多未知，點解會咁辛苦？其他人唔係咁樣，我哋做開運動都好啲，冇做運動點頂？有時有啲嘢未必找到答案，找到力量就得。」
Lokman、AK、Alton、Frankie又分享排練時的辛酸，每天練習七至八小時，除了AK外，其他三位成員先後病倒，分別經歷發燒、感冒、咳嗽，醫生直指Alton體內有幾種病毒，他笑言現時的病毒很古惑，「好彩大家唔係患流感，喺開騷前已經康復可以演出。」AK沒有生病，卻因為排練而破財，皆因排練的地方沒有停車場，結果他因違泊被抄了幾次牌。
Lokman因為突然感觸落淚，感染其他三位成員淚灑舞台，他向大家致歉，並表示：「多謝粉絲的支持，看到他們玩得開心，是直接交流的感動。」AK坦言沒有想過做多少場，只是一心想着專心一致，盡力做好，最重要是開心。
談到早前姜濤失足墮海事件，AK表示自己在事發當日出席活動時被傳媒問到才知道，之後亦有向姜濤傳慰問短訊，「我哋有傳短訊慰問佢，之後就係佢解釋嘅說法，畀多啲空間佢，適當地去休息，佢而家喺外地工作，見佢都好開心，咁就冇問題。」Alton指姜濤已解釋過意外始末，自己不方便再回應更多。Lokman表示大家幾日後便會再碰面，屆時再問候姜濤，「而家先畀佢休息一下。」
早前因心理健康和精神狀態出問題，宣布暫退出娛圈的ANSONBEAN，是夜亦到場支持。久未露面的他精神奕奕，向粉絲派定心丸，「我心情ok嘅，所以今日嚟睇佢哋表演。（知唔知大家都等你出返嚟？）畀少少時間我啦！大家唔開心嘅話都要頂住，大家加油，我都會盡快康復，多謝大家關心，對唔住令大家擔心。」他又雙手合十，以表感謝。
