ViuTV《呂濤米Lo 花Son Show》今晚（28日）播出的一集，輪到李駿傑（Jeremy）與經理人黃慧君（花姐）訴心聲。Jeremy指知道被選中入「妹豬組」時感到壓力，他坦言擔心自己未能為團隊貢獻：「再加埋所謂上、下弦嘅標籤，就俾咗一個好大嘅框架自己；紅唔紅或者有冇人氣唔係自己控制到，所以專注做返好自己就夠。」Jeremy指曾與花姐因誤會而互相憎恨及冷戰，「嗰段時間有好多誤會，憎你唔係因為我冇得出Solo，唔知點解突然之間你對我好有惡意；中間發生咗啲誤會，我有解釋過唔係我做，但係你唔聽我解釋。」 他表示未出Solo前是人生低潮時期，「人生最黑暗的時期，好多煩惱充斥着我嘅生活。嗰陣時成日喊，都唔知未來要點算，經理人又唔鍾意我喇，MIRROR又唔知會點喇。」花姐笑言破冰的過程就好像「溝仔」一樣，Jeremy分享在飛機上與花姐解開心結。
花姐最擔心Jeremy會孤獨，不停催促他要談戀愛又直言要幫忙物色對象，令他哭笑不得。Jeremy公開擇偶條件只需要笑得靚和專一就可以。他坦言單身的原因都因為備受韓國偶像文化影響：「拍拖其實對於一個偶像嚟講係一個好大嘅風險，因為好多Fans都係對你有遐想嘅階段，同時間又真係無對象出現過，咁就啱啱好，唔使煩。」花姐坦言自己最大的心願就是Jeremy可以找到另一半。最後，二人公開招親呼籲有意認識Jeremy的朋友可以直接聯絡本人或者花姐。
更多圖輯：
