Dear Jane、梁釗峰、COLLAR、麗英、DJ King、Tonick等昨晚為《博愛SO ME SHOW MUSIC》演出。COLLAR現身時全場歡呼，眾成員亦落力獻唱，坦言想舉行戶外演唱會：「呢排Gao好辛苦，忙住拍劇都要搵時間練舞，時間同『咩線』一樣，都係要擠出嚟！」年尾頒獎禮臨近，COLLAR以平常心應對，Marf更自爆「冇登記」未有投票比自己。
釗峰一連獻唱數首金曲，樂迷聽得如痴如醉：「我都想再搞戶外騷，因為成個歌單都唔同，要儲吓快歌先得！」同場的麗英將舉行個人演唱會，笑言想請Taylor Swift做嘉賓：「我DM過Taylor Swift想同佢合作，小薯茄啲同事就諗吓先俾佢哋上台，其實都想請尹光做嘉賓，不過太遲啦，因為佢依家紅咗，睇吓下年Part 2有冇機會。」
博愛醫院心繫兒童及青少年發展，是晚安排8歲的合奏《時間的初衷》，小小年紀顯出功架，贏得台下熱烈掌聲。
壓軸出場的Dear Jane成為焦點，成員Jackal剛宣布成為人夫，開心接受大家祝福：「由求婚到結婚大概半年左右，都唔係刻意低調，請咗啲密友參加婚禮。社交平台張相因為個背脊好靚，Share個背俾大家睇。」Howie笑言沒有為Jackal婚禮「賣力」，為好友送上祝福：「因為佢好低調唔會搞太多嘢，所以出席同默默祝福就夠。（快啲結婚做『人夫組合』？）結婚Feel到就Feel到，為自己而結嘛，咁先最浪漫。」Tim搞笑話已分享「造人」心得，拍片教路，他亦表示有留意尹光走勢強勁，希望對方得獎：「我哋冇投票啊，留返俾大家投我哋啦！」
