張衞健（Dicky）、許志安、梁漢文和蘇永康於2009年組成的BIG FOUR，自2013舉行世界巡迴演唱會後，相隔12年，日前他們罕有地相約行山密密斟，為8月份的紅館演唱會熱身。
四子相識超過30年，老友鬼鬼，Dicky感嘆道：「以前大家見面總會安排好多節目，但疫情後發現，能約出來吃頓飯已經很滿足。」他坦言近年見面機會較少，但每次都有說不完的話題。當年頑皮的小伙子，如今竟然鬥準時，結果由Dicky勝出，因為其他人預早十分幾分鐘到，他則剛剛好在相約時間前1分鐘現身。
四子未出發先鬥嘴又在起點互窒的時候，遠方有位一身跑山裝束的長髮男子衝向他們，左右手攬住許志安和Dicky，正是經常和周潤發跑山的蔡一智，大家都驚喜。原來蘇永康和梁漢文都是受阿智影響，開始行山運動，有時更會約埋安仔一齊，但加埋Dicky這是第一次。五人邊行邊講，有說有笑話當年。
之後阿智離隊，BIG FOUR繼續行到一個休憩站，坐下來玩小遊戲，期間不斷互揭黑歷史，揭發20年前Dicky做了一件離譜的事。梁漢文說：「當年小弟終於儲到個錢買咗間屋俾自己，新居入伙約埋啲兄弟上嚟聚吓，有人唔知係咪飲醉咗，收埋支豉油同茄汁喺我張牀，到我夜晚瞓覺先至發現，成張牀褥和被都係豉油！」眾人茅頭直指Dicky，梁漢文續說：「咁多年無賠返張牀俾我，牀單都冇呀！」Dicky扮可憐：「咁你想點喎？賠返樽豉油俾你，賠多支茄汁囉！」
原來故事還有續集，梁漢文爆許志安等人把毛公仔塞冰箱，嚇到梁太以為開出「長毛怪肉」！蘇永康想加碼爆「落地玻璃」秘辛，卻因不在場遭Dicky駁回，黑料終成懸案！
