馮素波在社交平台上載一張與沈芝華、李琳琳、董瑋與珏香的合照，5人大擺功架，波姐寫道：「多謝呢班老友陪我一齊癲！今日難得同幾位相識多年嘅好朋友聚埋一齊，大家唔講排場，舒舒服服著住拖鞋，就可以擺出最靚、最精神嘅Pose！看著大家依然充滿童真，笑得咁燦爛，心裏面真係好開心。多謝董瑋師傅、琳琳、芝華同珏香，願我們一直健健康康，繼續一齊『舞』動人生！」
李琳琳、珏香、董瑋、沈芝華、馮素波
馮素波（82歲）、沈芝華（80歲）、李琳琳（77歲）、董瑋（72歲）同樣師承著名京劇戲班師父粉菊花，粉菊花曾在港開辦京劇科班「春秋戲劇學校」，桃李滿門，徒弟包括陳好逑、林家聲、陳寶珠、蕭芳芳、羅家英、楊盼盼、惠天賜、林正英、董瑋、尊龍等，李琳琳在9歲時拜師。
沈芝華月前接受資深傳媒人汪曼玲訪問，透露去年12月，因牀褥太重，換牀單時不慎弄傷腰，攤在牀上個多月，不能動彈，醫生指其腰椎下方第三、四層的軟骨脫開，因為年紀大，要較長時間復原。沈芝華表示最初不能穿襪及著褲，要朋友幫忙，瞓覺要趴在牀上，不能向上平躺，雖相隔超過半年，但仍要做物理治療，行走時要戴腰封保護。
本月初，波姐亦曾經病倒，醫生指有病菌入侵，開始出現感冒症狀，最難受的是：「嗰啲疱疹已經佔據咗我個嘴唇，好痛呀！」需要盡快處理疱疹，同時對抗感冒菌。波姐當時亦樂觀表示：「我係會努力健康地生活！也祝福大家健康快樂。」
