《中年好聲音4》昨晚（5日）播出「黑白榮耀換位賽」最終回，白隊姚兵《淚海》91分Vs黑隊范子睿《怎麼說我不愛你》93分，白隊陳逸璇《Never Enough》83分Vs黑隊雷小雷《魔鬼中的天使》89分，白隊許雲妮《讓我留在你身邊》90分Vs黑隊吳亦偉《吳亦偉》（原創歌）95分，白隊可嵐《你給我聽好》86分Vs黑隊楊嘉瓏《Fly Me To The Moon》88分，白隊周志康《悲哀代言人》87分Vs黑隊梁煜坤《嘉賓》83分，最終白隊只有周志康登上榮耀寶座。
吳亦偉跳唱原創歌《吳亦偉》奪95分，成為全晚最高分之餘，更勇奪MVP殊榮。亦偉透露好多歌都有「以為」的字眼，原本想寫「你以為、我以為」，但難得可在《中聲4》舞台表演，便乾脆改成「吳亦偉」，並自爆兩、三個月前才完成此歌，更是首次獻唱。張佳添激讚聽得很爽：「呢隻歌直情要賣畀TVB，你好聰明亦好有自信，咁樣Hard Sell自己，用自己個名改成呢個歌名，然後變咗首咁好玩嘅歌，呢個係你演唱會，恭喜你。」周國豐則讚亦偉做到「歌人合一」，谷婭溦說：「你是全能ACE，你能唱，你能寫、你能編、你能作。」
陳逸璇被指選唱「跳崖歌」《Never Enough》，只得83分，與同樣獲得83分的梁煜坤一同被淘汰。周國豐直指陳逸璇揀了一首「詛咒之歌」：「每位參賽者唱呢首歌，都會出現Never Enough，呢首歌太難。」張佳添則說：「你要檢討嘅唔係歌藝，而係策略，咁難度高嘅歌，在座應該冇邊個會揀。」陳逸璇離開《中聲4》舞台前，飲泣表示曾滿懷希望當歌手，但最後卻前路茫茫：「舊年陷入人生低谷，係《中年好聲音》拉番我出嚟，畀番我追夢同人生義意，最後我要多謝一班戰友，就算我唔希望離開，但係我覺得唔難睇。」
梁煜坤以崩潰情感演繹《嘉賓》，被谷婭溦批評由參賽至今都是同一個唱法，周國豐則指梁煜坤唱錯歌中意思：「成首歌最尾嘅部分係釋懷、放手，成首歌嘅基調係慘，但未慘到接近死人冧樓嘅階段。」梁煜坤表示能走到30強絕不容易，自己一直強忍淚水，因覺得最後一次站在《中聲4》舞台一定要堅強和開心。
更多圖輯：
