前無綫藝員陳積榮（Jeff）去年證實患上肺癌，上月15號不敵癌魔離世，終年38歲。Jeff追思會於今午1點半假尖沙咀聖安德烈堂舉行，友人鄧永健為他製作了一本《記住我們Jeff Chan》紀念冊，冊內載有Jeff的生前生活照，以及與親朋好友的生活點滴。
陳積榮生前一班好友包括駱振偉、孫慧雪、謝珊珊、鄧永健、關浩揚、容羡媛任治喪委員。駱振偉和容羡媛跟陳積榮是大學同學，三人已相識十多年。駱振偉指與Jeff有太多回憶，「例如平日打麻雀、玩樂，睇返啲舊相係好開心，Jeff係一個充滿正能量嘅人，成班朋友都好懷念佢，佢永遠都係照顧人哋多過自己，今次佢打呢場仗同時希望畀患者知道呢方面更多資訊。」
至於孫慧雪和Jeff是藝員訓練班同學，二人感情非常深厚，她表示幾位好友為陳積榮完成遺願，「我哋會努力完成佢嘅電影作品，佢喺一年內寫好一個劇本，係關於演員訓練班故事。」而Jeff女友將於8月舉行相展，紀念已故男友，大家希望分享正能量。
Jeff的另一位訓練班同學鄧永健則負責統籌紀念冊，「Jeff屋企人意願，想製作一本小冊懷念佢，所以就問身邊朋友攞相組合成呢本小冊，希望大家記住Jeff嘅好。」
