陳志雲為HOY主持全新節目《雲遊四海》已經拍攝完畢，21日的旅程共去了3個國家，Stephen表示盡興而歸，「我好少離開香港咁耐，今次行程緊湊節目一流！我帶咗三個喼嘅衫，過程又要轉酒店，搭飛機同轉火車，所以都好想返屋企抖下！不過，講返呢個旅程都好溫馨同好快樂，去咗好多地方，見到好多唔同嘅人，而佢哋亦都用生活說好香港故事，將我哋香港嘅文化帶畀外國人認識，等佢哋知道香港有幾好！」
Stephen分享在法國的趣事，「我諗今次嘅酬金都唔夠我買嘢啦，去到法國本來諗住買唔到嘢，因為佢哋啲人都好瘦，仲要係女裝，點知喺嗰度都買咗三套衫。係unisex，好靚好靚，我唔知自己有冇肥到喎！因為未上磅，塊面就圓咗，可能係飲得太多水啦！哈哈哈！」
早前他在自家YouTube頻道，訪問網絡紅人達哥，被網民質疑對達哥零尊重，除了暗諷達哥其貌不揚，又講錯他的姓氏，亦將他畢業於香港大學講錯成中文大學，直指陳志雲無做功課及破壞節目氣氛。Stephen大方回應：「首先我點會唔尊重佢呀？佢係我請返嚟嘅嘉賓，同埋有時口快快講錯咗，我都成日畀人講錯個姓㗎啦，我唔覺得有咩問題！所以我就冇理嗰啲留言，如果達哥自己覺得係咁嘅話，我會道歉，但佢都冇咁嘅感覺，我哋仲話嚟緊可以做啲crossover，我哋都不知傾得幾開心呀，可能佢啲fans太愛佢啦！」
更多圖輯：
