陳凱琳（Grace）與鄭嘉穎在2018年拉天窗，婚誕下三個小朋友鄭承悅（Rafael）、鄭承亮（Yannick）和鄭承太（Carlos），Grace近年已成為香港香強人氣KOL，吸金力驚人，但這位廿四孝媽媽仍花不少時間照顧愛兒。轉眼間，二仔Yannick已經5歲，昨日（2日）Grace在社交網分享多張慶生照，她特別以囝囝最愛的「寵物小精靈」為生日會主題，哥哥Rafael扮「小火龍」、弟弟Carlos扮「比卡超」，而壽星仔Yannick則扮「小智」，相當可愛！而Grace與好姊姊龔嘉欣亦化身反派「火箭兵團」，兩位靚媽穿上短裙仔，露出小蠻腰，齊齊舉起勝利手勢，十分青春！
Grace開心表示：「史上最棒的寶可夢派對！ 祝最酷的寶可夢訓練師 YANNICK CHENG 生日快樂！真不敢相信你已經五歲了！」她又寫道：「我問呢位壽星仔今年五歲想搞咩生日主題，其實我都唔知問嚟做咩，自從佢知道Pokemon嘅存在，佢就日日叫我同佢玩Pokemon Cards，仲買咗本書有齊晒千幾隻Pokemon，跟住搵我日日畫公仔，所以我決定將佢所有畫咗嘅Pokemon Drawings做咗一本書送畀佢做生日禮物。今年仲好開心可以做一個Pokemon Pizza Pool Party！簡單而隆重嘅生日會。」她指與老公鄭嘉穎不停問囝囝：「你開唔開心啊？」得到囝囝回以燦爛笑容。龔嘉欣亦留言送上祝福，「完全感受到佢嗰日有幾開心，真係一個完美嘅Party，大人小朋友都好開心。We are team rocket。」
