羅蘭日前出席有份參演的劇集《金式森林》宣傳活動，被發現全程需拐杖支撐，上台時更由劇中兩位年輕演員羅天宇和陳浚霆左右攙扶，並獲大會準備椅子她上台後坐下。事後她受訪傳媒透露數月前在家跌倒入院，留醫8日做不同身體檢查，及做物理治療。
無綫今日就發放羅蘭姐早前為該劇最後一日開工的幕後拍攝花絮，片中的羅蘭姐身手敏捷，少女般從家中的大門彈出來，先是開心地向着攝影師說早晨，又精神奕奕表示要開早班。心情大靚的羅蘭姐，還在車上接受劇組小編訪問，先是搞笑幽默的角色介紹：「我（劇入面）做安仔（郭晉安）嘅媽媽，係一家之主嚟，呢個仔就成日都唔聽話。」羅蘭姐又坦言自己真係好鍾意拍戲：「一定係好鍾意先會做到今時今日，始終都係鍾意返工嘅。」
鏡頭前羅蘭姐長期被劇中孫仔孫女及龔慈恩等簇擁着，鏡頭背後的羅蘭姐一樣勁受歡迎，除了一眾演員，就連監製林志華及幕後所有同事都愛黏着羅蘭姐。在羅蘭姐拍完最後一個鏡頭後，阿仔郭晉安即鬼馬地向羅蘭姐獻上一大束花，全場所有人歡呼大叫：「恭喜嫲嫲！」羅蘭姐則開心地發表殺青宣言，言談間盡展與林志華及安仔的好感情：「今次真係好開心拍呢套劇，監製我都差唔多成年冇拍過你嘅劇喇！」、「呢個安仔呢，我又係好耐冇同佢拍喇，今次一齊真係好開心。」
安仔聞言即醒目向羅蘭姐打眼色：「等監製下一年再搵我哋！」羅蘭姐聞言即開心大叫：「好呀好呀！」並開心地問現場所有孫仔孫女：「有好多戲都可以拍續集嘅，我哋可唔可以繼續拍續集呀？」
