鄧兆尊與吳家樂昨晚（23日）在主持網民節目時，提到當年電視台有不同山頭，他們均自稱不懂做人，被放逐了出去。兆尊表示當年最怕去劇集收視高的慶功宴，他試過被高層點名Part住打牌，高層打前半部，食完飯先行離場，由兆尊打下半部。因為是高層，大家鬆章讓高層，上半場贏了五底，之後他接手打就輸了兩底，雖然他已說輸的兩底由他全付，但換來的答案是：「我交俾你嗰陣贏梗五底㗎播！」最終他要「嘔」多五底出來。兆尊又試過一大班人入馬場頒獎，又被高層點名要夾他一齊買馬，他就在第二場拿着彩金出來，借意說對之後賽事沒信心，打發了那少許彩金就算。
家樂即指兆尊跟高層關係好才夠膽這樣說，兆尊承認：「冇錯啦，所以好多時做到一啲好高級嘅阿姐級呢……」被家樂捉住他說的高層是阿姐級！兆尊反應飛快：「唔係我話做演員嘅阿姐級好識做。」跟住爆料：「我見過一個阿姐級帶一個高層去行街，但佢講嘅嘢我係唔會明嘅。」續指高層買鞋時阿姐級說送給對方，高層不客氣：「好呀，單馬雜式啊！」兆尊再解釋可謂「單馬雜式」：「即係（如）37號嘅全部幫我包起佢！嗰個阿姐話冇問題冇問題照做，所以咁多戲拍就係咁解。」
