譚詠麟將於9月假紅館舉行《譚詠麟與您「刻骨銘心」世界巡迴演唱會——終極篇》香港首站，日前在演唱會發布會上，公布會全港免費派發《阿倫日報》。專車播放校長創作的新歌《我在意》MV，在港九新界指定8個地點以快閃形式派發，首站於早上8點半在葵芳商場外，歌迷竟提早7點到現場排隊，並笑言攞完報紙返屋企上網搶飛。
有歌迷感謝校長令他們擁有一個刻骨銘心的體驗和珍貴回憶，當中包括老中青歌迷，當日派發的8個地點，經歷天氣極大變化，由暴曬到暴雨都試過，但不論任何天氣，亦沒有減退歌迷的熱情。
雖然派發當日校長有工作在身，但得知歌迷為領取《阿倫日報》，冒住日曬雨淋相當辛苦，決定親自到專車打卡兼拍片答謝大家，及親手派發《阿倫日報》給歌迷。校長說：「今日真係一個好難忘嘅日子，真係刻骨銘心，今日由第一站朝早8點左右開始，真正經歷咗日曬雨淋喎！試過好熱又到好大雨，好多站大家都好踴躍，想搵返往日嘅一啲情懷同回憶，希望大家鍾意呢份報紙，亦都多謝晒大家連日嚟籌備點樣去買飛，真真正正好多謝大家咁多年支持，所有嘅歌迷朋友，多謝晒，演唱會見！」
更多圖輯：
