薛家燕、龔慈恩、林愷鈴（Ashley）與澳門特別行政區政府旅遊局合作的四集式短劇，今日終播映結局篇，劇中三人飾演三代同堂，故事講述「嫲嫲」家燕姐到澳門尋找初戀男友，引發連番趣事，從而介紹跨代旅遊的好去處，探索社區深度遊。
結局篇請來了在經典劇《十月初五的月光》飾演家燕姐舊情人的郭鋒，客串擔演「嫲嫲」初戀男友，二人相隔多年重返澳門合作拍劇，再次《十月初五的月光》「Re-U」。飾演「Q姨」家燕姐與舊情人「祝展輝」郭鋒，相隔多年重返澳門合體，家燕姐表示劇集2000年拍攝，之後2015年就合作電影版，所以上一次合作，是2015年。
相隔十年，再度合作，家燕姐指郭鋒依舊熱情、感覺親切，有一份濃濃的情意結；郭鋒則笑言自己跟往年大有不同，他笑說：「舊時好多頭髮，後生冇咁肥，依家肥咗。」郭鋒笑說今次是被家燕姐打動客串這角色，身旁的家燕姐即補充表示：「故事講我要喺澳門搵初戀情人，播咗幾集，好多人問邊個飾演我初戀情人，我諗喺澳門度拍，《十月初五的月光》有個做我情人，不如請返佢嚟，呢套劇好多人睇過，好大回憶，於是我就嘗試打俾郭鋒，請佢客串做我初戀情人，佢好賞面，令到大家都好開心，對整套劇嚟講，係大家都好期待見嘅嘢。」
