張晉陪蔡少芬跟蘇麗珊慶祝母親節。
蔡少芬（Ada）同老公張晉育有2女1子，兩個分別14歲和12歲的女兒，愈大愈靚似足媽咪，一家五口剛於周日慶祝完母親節，超級幸福。今日（14日）在社交網曬出與張晉跟蘇麗珊慶祝母親節的合照，留言：「好感動，我有個乖女蘇麗珊Cecilia，請我母親節飯又送蛋糕！我太幸福啦！《風華背後》令我多了個乖女，真好！」照片中張晉與Ada齊穿同色格字衫，老夫老妻依然恩愛。
一家五口周日剛慶祝完母親節。
蘇麗珊今年初在社交網上載劇集煞科時的不捨片段，還笑指：「煞科日，俾大家睇吓我劇中的媽咪有幾crazy」，片中身高173cm的Ada坐着，手拖站在旁身高163cm、33歲的蘇麗珊笑爆說：「我冇諗過，我生得一隻咁矮嘅女；我都冇諗過，我可以生一個咁大年紀嘅女！」連番被Ada打擊，蘇麗珊一臉無奈，叉腰笑說：「喂呀！」
