「風少」陳浚霆為處境劇《愛．回家之開心速遞》煞科後，飛往法國旅遊，但他在法國行山後全身出紅疹，最後更延伸到喉嚨引致條脷紅腫，飲食說話都有困難，搞到整個行程都在病牀上度過。剛回港的他亦被轉介入院，醫生話他最快周日（9日）才出院，隨時缺席全員於周五（7日）到沙田新城市廣場與觀眾一齊睇大結局的活動，一定會很遺憾。
陳浚霆今日（4日）凌晨他在社交平台貼相，只見他雙手及額頭滿布紅疹，他憶述事發經過：「唔好意思，令到大家擔心！去到法國嘅時候，不幸地在行山之後，發覺自己身上出現一些紅疹。紅疹從手掌延伸到手臂及臉上以致（至）全身，最後更延伸到喉嚨引致條脷紅腫，飲食說話都有困難！
「最後去咗當地醫生求診，診所轉介我去急症室，急症室等了半天驗血報告，得到的結論就是我被某些昆蟲咬了後，產生了敏感的反應，雖然依然感到不適，去到其他城市再求診，但情況都是一樣！剛剛回香港，立刻去找醫生，已經被轉介入院！我會繼續努力，希望快啲好返見返大家啦﹗
「對唔住，由於整個旅程由於都在診所病牀或醫院度過，沒有時間買手信，如果大家問我買咗咩手信俾你哋，我的平安歸來就是你的手信哈哈哈哈哈。
「暫時要同大家say拜拜，醫生話我最快要8月9號（希望可以早啲）先可以同大家見面！我會盡力爭取，多謝大家支持！so good to be back in Hong Kong﹗」
