Sophie不忿無端被指整了容，她昨晚（4日）在社交網發文，分享24歲時面試港姐時候的媒體照：「唔好意思，嗰陣時三年冇剪頭髮，披頭散髮，冇化底妝，仲要畫咗條Kam眉同眼線，第一輪面試都算係大熱嚟㗎，有圖有真相。」Sophie又po出自己18歲時候的素顏照片，力證自己無整容：「我其實真係唔覺得依家五官都認唔到我，少少誇張喎，黑粉們。」對被指她開眼頭，她說：「你知唔知開刀嗰啲眼頭唔會好似我咁，笑嘅時候眼頭肌肉彎彎地向下㗎？同埋拍攝近鏡時，我連眼頭都有眼睫毛㗎，即係有毛囊啊！你覺得邊個咁得閒割完對眼植返啲毛囊去個眼頭度？你講啲嘢仲Kam過我當時嗰個髮型。黑粉請借一借，笑死。」
Sophie又安撫粉絲和勉勵自己勿激氣：「無謂同佢哋變得一樣，我哋繼續做好自己，成為更好嘅人就好了。再者，換一個角度諗，佢哋係覺得我變好咗先咁講啫，咁好老實講，人生都係求進步同埋想變得愈嚟愈好，所以我都會愈變愈靚，亦都會愈變愈好。」
今日Sophie果然收拾了心情，上載與GM齊穿粉紅色情侶裝的工作照，留言：「最近差唔多每一日都一齊工作，係咪啊GM」？
