吳家樂與鄧兆尊日前主持網台娛樂直播節目，兆尊說：「羅莽拍戲時好專業，佢要赤裸上身嘅時候，佢必定搽油嘅。」兆尊還記得昔日羅莽的一個笑話，在拍外景期間，羅莽跑上來跟他們說：「嘻，頭先我跑步，超速呀，俾人抄咗張告票！」原來他去跑步時泊車超了速，跟住被抄了牌。
家樂就舊事重提，爆料有位師傅臨出鏡前未搽油又沒助手，惟有找化妝、服裝阿姐幫手，均被拒絕，於是他走出停車場上了公司的巴士，將油搽在座位上，成功搽油在背上，後被車長發現座位被弄污了，有目擊者告知車長，於是向公司投訴，令全個製作團隊都知這事。家樂與兆尊都沒提師傅的名字，但笑指慈善活動每年都有，仲記得有師傅出來耍嘢的只有一兩個，兆尊說：「呢個唔係羅師傅。」家樂就笑着反駁：「我冇話唔係播！」有網就估是吳剛，家樂將範圍縮窄：「一係姓羅、一係姓吳，唔好再問啦！」
