羅毓儀（Yuki）與林俊其（Kris）在《女神配對計劃》配對成功後，隨即過了一個人月兩團圓的中秋節，Yuki當晚更上了Kris家裏食飯見家長，飯後出走在街上已急不及待即來個直播分享。
Kris大讚Yuki表現得好好，Yuki就問Kris林媽媽對她的第一印象？Kris估計媽咪看到節目的最尾：「自己好㒼塞，所以媽咪叫他聽多啲人講嘢，唔好成日諗自己，多啲分享下自己，因為成日會收埋自己，無論對屋企或對朋友、女朋友都係，跟住佢話多啲同Yuki傾吓偈，個人都開心啲。」Yuki即大讚：「Auntie神助功！」
被林媽媽形容能量滿滿的Yuki，笑言希望剛才餐飯沒嚇親Auntie；Kris就爆媽咪狂夾餸給Yuki，Yuki不忘賣口乖大讚：「好正！Auntie煮嘢好好食！」又謂林媽媽笑得非常燦爛，兼且同Kris好似樣，尤其是眼和嘴。
原來Kris之前一日已到Yuki家見過家長，Yuki表示父母沒對Kris作出評價，只要她開心就可以：「我覺得好好呀，你同我爹哋都幾啱傾，我爹哋又識煮嘢食，又鍾意影相，同佢啲興趣好似。」Kris接着說：「係，因好鍾意講歷史，跟住呢，你知男人好鍾意講舊時，佢講完舊時之後，我都講舊時，勁好笑，兩個長氣男人不斷講講講，跟住佢喺身邊好似深感恩惠。」至於羅媽媽當然喜歡Kris，就連阿女責怪男友遲到，羅媽媽都幫口說不緊要，Kris都認同感受到伯母很愛錫他。
