有自稱的士司機的網民在社交平台發文，並上載一張的士收費咪錶照片，車費為262.1元另加50元，50元應為隧道費，即合共312.1元車費，該網民寫道：「不得不承認香港經濟靠MIRROR撐起，佢班fans救起我唔少次，上次Miro見面祭，有張會展去屯門、亞博、港珠澳嗰啲，有好多，數唔晒，佢哋先係香港消費力最強嘅一班人，唔似ERROR、COLLAR fans完全唔消費！」
ERROR成員郭嘉駿（193）留言質問：「點解你會覺得我嘅fans係完全唔消費嘅，咁我啲錢喺邊度嚟？」另一位網民回應：「自家牌子的衣服賺錢」，193即反駁：「唔計我自己牌子啦，廣告商都話我返到數，最多唔係最強最強消費力嘅一群啫，但完全唔消費我諗就無可能嘅，至少我嘅fans一定唔會係囉。」
更多圖輯：
