白日之下｜林保怡加入最強謝票團　自爆遭姜大衛喊打

林保怡自爆被John哥喊打，他亦自認抵打。

揭殘疾院舍黑幕電影《白日之下》上畫近一個月，截至昨日（29日）累積票房經已衝破1700萬。姜大衛（John哥）、余香凝（Jennifer）、林保怡、梁仲恆和梁雍婷（Rachel）等台前幕後12人，組成開畫以來最強大的謝票團隊，走入戲院親身答謝觀眾。

台前幕後12人組成最強大謝票團隊。

面對觀眾熱烈反應，John哥主動搞氣氛，即場載上戲內角色通伯的標誌鴨嘴帽，全場觀眾拍掌起哄。John哥笑言：「其實通伯唔傻㗎，好似我咁醒嘅，好多謝大家支持《白日之下》，希望大家真係多啲入戲院睇電影，香港電影真係好多好好睇嘅。」謝票團隊亦送驚喜，即場送贈紀念版鴨嘴帽。

John哥角色受歡迎。

首次加入團隊謝票的保怡，亦跟在場觀眾打成一片：「剛才John哥見到我嘅時候，話想打我，哈哈哈，呢個院長真係抵打，係啊，真係一個魔鬼嘅角色嚟㗎！」

+3