陳啟泰（Ken）、方健儀、張文采、林小珍、麥詩敏、伍家謙等，今日（20日）出席HOY選秀節目《我要做主播》宣傳活動，病癒復出的Ken表示主持、拍劇或唱歌三線發展，「今次廿集，我向來有工作就接，比較爛做，自己其實大部分時間都在香港，內地有工作才會返去，我之前因為患上大病，無工作幾年，而且市道又淡，現在漸漸好轉，就可以返出嚟幕前，我一直都無退休，再返出來工作都習慣，因為我都好喜歡工作，拍劇就未有打算，不過都有內地製作找過我，但因為戲分不合適，而且因為之前大病過一場，唔可以捱通宵，要等身體再好一些才接拍，不過自己都一直有戲癮，最重要角色有挑戰都會接。
他說會向音樂路發展，「病後重返幕前，感覺彩色很多，過去十年身體狀況都比較差，周身痛又瘦，現在好返又做返運動，對好多事會有期望，遲一些更會有音樂方面發展，自己一向都喜歡音樂，會有原創及翻唱，現在與以前最大分別是以前只跟電視台行，俾咩做咩，之後自由身就返大陸搵錢，直至病好返之後，我要做自己喜歡的事，音樂就是其中一樣，曲暫時未得，自己都有填咗兩首詞，都幾得意，現在都搵緊音樂人合作，但未落實所以唔方便透露。」
更多現場圖輯：
