潮凱呢個蛋糕唔簡單。
楊潮凱昨夜（22日）在社交網分享大女心悅（Catharine）的8歲生日派對照片，這個廿四孝老竇，當年曾變身攝影師為愛女影滿月相，今年亦花盡心思，送囡囡一個超難忘的生日。潮凱留言：「爸爸諗咗好耐，今年生日到底有咩可以送俾你，爸爸想你過一個超難忘嘅生日，於是乎我決定親手做一個生日蛋糕送俾你！希望你喺好多年後睇返今日嘅相片，你會記得曾經有個傻爸爸為你做過一件咁有愛的事情。」
照片所見，潮凱這個親手炮製的生日蛋糕殊不簡單，是動畫《Zootopia》的造型，超級厲害。潮凱更嘟嘴錫錫女兒，阿女雖然開心笑晒口，但正如黃智雯留言笑指：「你好似開心過阿女」，潮凱直認：「 係，因為我好期待佢收到個蛋糕時個反應」。
潮凱與任職中學教師的太太，由初戀去到結婚生仔，都是好老公好爸爸，除了最愛的前世情人外，去年囝囝「雞蛋仔」一歲生日，他亦為阿仔大搞《超人特工隊》生日P，滿滿的儀式感及回憶。
