當中梁榮忠與劉雅麗講到香港電影的大環境，他的分析令劉雅麗大讚喜歡其論點，並害羞笑稱：「好欣賞你！」梁榮忠亦笑謂：「會唔會遲咗幾十年呢！」劉雅麗即說：「幾十年前你冇呢個深度㗎，你要讀咗2個碩士之後先係依家嘅梁榮忠。」
在回應網民提問「點解香港嘅資深導演拍大陸片」時，梁榮忠直指這類問題好Juicy，不過他仍回答：「好簡單一樣嘢，我問返你，如果你係佢，你會點樣選擇？任何一個從事創作嘅人，都係想愈做愈多嘢，咁點解我唔試多啲嘢呀！你講話去晒大陸拍片，都係做多啲嘢啫，咁香港有冇多啲嘢做吖？冇吖嘛，就係咁簡單。」梁榮忠又借吳宇森去荷李活拍戲，叫網民解釋是什麼現象？他說：「其實都係源自於想拍大啲，多啲Budget。」他直指網民這個問題的聚焦有點狹隘，不應拘泥在哪裏拍：「藝術係無疆界㗎，藝術係嚟自你個心，你個心應該包容咗整個宇宙。」
