林子祥、葉蒨文一連五場的《白頭到老WE ARE ONE世界巡迴演唱會——香港站》昨晚（13日）圓滿結束。過去4場都未有邀請嘉賓，尾場一次過晒冷！阿Lam唱到《這一個夜》及《交出一切》時，首位嘉賓登場！原來是《中年好聲音3》冠軍黃博。阿Lam話當初知道黃博揀選《這一個夜》參賽時，心諗：「『嘩！好犀利喎，咁大膽揀呢隻歌。』終於佢贏咗冠軍，嗰陣時我都講過話如果演唱會入面唱《這一個夜》，我一定要搵你上嚟！」
安哥部分，經典歌曲《敢愛敢做》前奏一響，Sally即說：「Wait a minute，我哋有啲friends要同我哋唱呢首歌，we have some surprise！」阿Lam兒子林德信及女兒林德懿、來睇騷的楊千嬅、莫文蔚與黃博全部上台，超級大合唱。
完騷後，隨即舉行溫馨的after party，Sally分享最感動時刻：「好感激我哋嘅family，April（女兒林德懿）、Alex（兒子林德信）全部都嚟齊，係first show with daddy。」她更溫馨喊話：「要同我哋多啲時間一齊，最緊要送Ming Ming（孫女林明）過嚟得㗎啦！」
受訪時，阿Lam表示此騷是78歲生日最珍貴的禮物，Sally未打算再開生日派對及送禮︰「我們說過不再互送禮物。我們甚麼都有，最重要開心，開心最值錢。」Sally透露18個月大的孫女好喜歡音樂，有林家的音樂細胞，但她強調不會刻意栽培，只想她做喜歡的事，每周至少見孫女兩次，希望不要讓孫女太早接觸手機，珍惜不透過電子產品的真摯交流。
更多現場圖輯：
