林子善39歲生日，Instagram post嘅第一張相，竟然唔係同太太、囡囡合照，而係同媽媽合照，原因到底係咩呢？
林子善有呢個改變，原來係因為做咗爸爸之後覺得媽媽生佢好偉大，所以覺得自己生日最值得同媽媽一齊慶祝，仲話以後生日正日都一定會搵埋媽媽慶祝，多謝佢當年咁辛苦生佢出嚟。
林子善：「自從成為父親之後真係好大改變，第一）個人好容易喊；第二）喺街度到啲小朋友有危險特別緊張；第三）喺街度到見到大肚嘅媽媽特別照顧；第四）好明白父母對我哋嘅愛好感恩照顧到我身體健康，做人正確思想觀念處事態度，所以生日慶祝嘅諗法亦都改變左，自己生日最值得慶祝嘅應該同媽咪慶祝，爸爸工作雖然辛苦，但當你見過媽媽分娩嘅過程，你就會知道呢個世界冇嘢可以媲美母愛，所以自從我個女出咗世之後，以後我嘅生日正日一定要同媽咪慶祝多謝返佢，除非佢想第二日，媽咪，I LOVE YOU多謝你。」
圖片來源：林子善＠Instagram