李家鼎宣布託付細孖李泳豪任執行人，又揭大孖李泳漢夫婦多年來不斷苛索金錢，身家已遭掏空。李泳漢作出回應，「我好清楚佢係唔情願，嗰日喺靈堂爸爸在親戚面前，親口承認話全部嘢都唔係佢講。」
大孖強調無攞過鼎爺口中所指的200萬，指他的戶口早已被人操控，大孖表示施明在2023年出院回家時，泳豪叫鼎爺立平安紙，更要鼎爺在律師面前宣讀，更不理會母親在康復中，已急不及待要求她賣樓分錢。大孖指細孖找鼎爺做說客，要母親趁樓價高，大屋搬細屋，套現後，給細孖二、三百萬組織家庭。
大孖再次表示去年6月收到鼎爺來電求助，鼎爺表示被泳豪夫婦操控，網上銀行戶口資料被改，攞唔到錢，大孖立刻與鼎爺去銀行改戶口資料。大孖透露7月時，鼎爺因座駕撞毁，所以他與太太專程送食物給他，當時鼎爺告訴他細孖要分家。約一星期後，鼎爺手持一堆銀行月結單，表示已給了泳豪300萬，銀行存款近乎清零，但大孖從月結單發現，在過數300萬後，相隔幾日，又再過多40萬，「佢話個台灣婆拎咗錢去買手袋，我由頭到尾一毫子都無拎過。」
大孖指講出真相，是希望大家不要誤會他們父子不和，他指鼎爺是受人操控，才不斷公開抹黑他，「我相信天有公理，當所有真相公開必會還自己一個公道，反而最擔心係爸爸目前嘅情況。」
更多圖輯：
