陸浩明（6號）與模特兒女友陳詩欣（Ayan）拍拖十年，經常在社交平台放閃，感情好到打風都打唔甩，令人常常關心他們什麼時候才拉埋天窗。
雖然Ayan無意做藝人，但也並不介意在熒幕亮相，早前陸浩明與肥媽拍攝無綫節目《煮．野食》，也找來Ayan做嘉賓，肥媽見到未來契新抱自然非常開心；在節目，6號與女友實行奉旨放閃，Sweet到爆。
6號說女友是廚藝高手，「Ayan 成日煮嘢食，佢好叻架，佢鍾意煮西餐多啲，擺盤都擺得好靚。」日前，陸浩明43歲生日，不過Ayan今次沒有下廚煮西餐，而是準備日式美食為男友慶生，6號在社交平台分享：「HAPPY BIRTHDAY，多謝妳，每年個傻妹都好有心思，今年喺屋企同我慶祝生日，其實簡簡單單就好快樂幸福。我願望係大家都身體健康，愛我同我愛的人都生活美好。」6號的生日願望並不包括結婚喎，看來大家仍要再等吓啦！
