李振輝接受文雋的YouTube頻道《講呢啲 講嗰啲》專訪，播出第三集，李振輝提到李小龍與長兄李忠琛及大家姐李秋源年輕時，在港曾參加歌唱比賽，「Bruce一開口就畀人foul咗出嚟，佢真係無音樂天分，大哥根本都唔係唱歌嘅料，只有大家姐入咗初賽，但最後都係被淘汰。」李振輝透露讀中學時開始喜歡玩音樂，「嗰陣我讀喇沙，陳欣健高我一班，我喺學校附近父母嘅朋友屋企搭食，佢哋個仔都中意玩音樂，當時陳欣健已經有隊band，開始嗰陣係佢教我彈結他，我哋趁食飯時候就玩。」後來李忠琛與林燕妮拍拖，林燕妮知道李振輝喜歡玩音樂，便介紹其弟林振強與他相識，他們再分別找另外兩個朋友加入，組成4人樂隊。
1966年，李振輝與樂隊參加兩個大型歌唱比賽，許冠傑與朋友組成的樂隊Harmonicks 亦有參加報章主辦的比賽，但他們一齊未能入圍，後來在《Talent Quest》比賽中，李振輝的樂隊獲得第三名，因而簽約EMI旗下。在67至68年間，李振輝與樂隊曾在麗的映聲主持音樂節目《Sound Beat》，他表示薪酬相當理想，「400蚊一個騷，一個禮拜一個騷，4星期就有1600蚊。」但因為李振輝要到美國升學，樂隊因此解散。
文雋問李振輝自小在哥哥李小龍的光環下，有否受到影響及心態如何？李振輝透露返港發展初期，大家見面都會問：「你阿哥咁叻，你識唔識打功夫？」他便引用60年代美國用於反越戰的口號：「Make love ,not war」做回應。李振輝表示69年初曾居於李小龍的美國家中，小龍接機時，擁抱他一下，然後說：「你咁瘦，你唔好話畀人聽，你係我細佬呀。」然後李小龍即驅車去購買14桶增重粉，一日要他飲一桶，再加每日三餐正餐，令李振輝在兩星期內，由108磅增至124磅。另外，每日要做訓練，李振輝說：「好可惜，兩個禮拜之後，小龍同我講：『Robert，我發現你應該學跑步，因為你無嗰種狠勁，如果有人想打你，你擰轉頭就走，走得快就得啦！』」
更多圖輯：
