袁文傑一向愛貓如命，上年家中貓咪「囝仔」被驗出有癌症，要接受長達9個月嘅化療，令佢非常心痛。
囝仔噚日（1號）10歲生日，文傑於社交網大讚貓咪係「生命鬥士」，用堅強嘅意志捱過化療。但文傑話貓咪身體情況並不樂觀，甘願用自己嘅時間換愛貓嘅生命時間。
文傑指囝仔於化療期間每日食唔少有毒藥物，每次覆診都要抽血：「每次覆診醫療人員也重覆問着同一問題，我也回應無甚變化的狀況。」佢又話愛貓喺藥物輔助下胃口有好轉，暫時雖未回復最高水平，但增咗磅已覺得好開心。
不過，完成化療後貓咪胃口又再下降，體重亦再減輕：「近日，當幫囝仔『梳毛毛』時，那把梳很容易便會碰到他的『骨節』，每碰一下，自己心便不舒服，很不舒服！上周驗血報告，那些令人不安指數又再上升，若果這就是要停止藥物而去觀察其真實狀況，出來的結果，代表着殘酷之現實。但我有時心裏很憤怒，為何不繼續給他服一點藥物，令他胃口保持，至少要打仗，就要有足夠體魄。但醫院要看數據，可是不好指數上升，到頭來仍是要再度服藥，應該是吧！」
文傑表示按比例囝仔已經比自己年長，佢希望這種年齡比例繼續増加：「如果可以，用Daddy的一些時間換取你的生命時間……如果可以的話，那就好了！」
圖片來源：袁文傑@Instagram