29歲廖慧儀（Jessica）昨日（21日）突然在社交網，上載一段崩潰爆喊片段，留言自爆：「九個月了。希望這個小魔怪不要再來找我，如果再來的話，我相信都會輕鬆駕馭得到的。呢一年同佢共處，消耗了好多好多時間同耐性，也感謝最親的你們忍耐我。今年忍唔住講咗好多次『我覺得唔得喇』，但都要不斷說服自己『我相信自己得』、『我相信所有嘢都會變好，一定會好返』」。
同時上載不同跑步片段的Jessica，最後總結：「如果你唔開心就去跑啦，跑完會好啲㗎」！Jessica自2020年參選港姐入行，但同年年底，她的前任男友Sam疑被情所困墮樓身亡，形象插水的她被迫暫停剛開始的演藝路，隨後她以性感健康形象再次起步，並漸見起色。
Jessica的圈中好友何泳芍、黃紫恩、朱智賢等，都留言為她打氣，不過有網民質疑「邊有人喊會拎手機影住自己」，Jessica就解釋：「影低佢對記錄病發日期時間、同自己嘅狀態有幫助，就好似健身嘅人都會影低自己食咗啲咩，幾時食。我覺得呢個方法好有用會睇到自己嘅改變。」
