《女神配對計劃》昨晚（27日）播出的第八集，再有兩人被淘汰，分別是李芷晴（Stephanie）組的劉偉強（Issac）及因工作關係未能參與是次遊戲的10優醫生譚品堯。
上一集，當閨密派鎖匙時，關嘉敏（Carman）默念莊思明能派給姜卓文（細John），可惜事與願違；今集Carman每一條問題都等待細John入房，更一度試過唔揀Matthew玩親密遊戲，希望可將鎖匙留給細John，可惜最後二人還是五條問題都擦身而過，細John及Carman對此均感到驚訝。
細John：「我好絕望，真係咁冇可能咩我哋？本身我已經係矛盾緊，依家好似個天俾埋個答案我咁，『唔係你哋兩個㗎喇，放棄啦。』」Carman：「我最失望係，五條入面都見唔到細John。」雖然看似無緣，但網民認為Carman與細John感覺仍有彎轉。
至於梁敏巧（Maggie）組雖只剩下劉啟進（Matt），但他絕對贏得實至名歸，因昨晚Matt有兩次揀中Maggie心意之餘，二人的婚姻及家庭觀亦perfect Match！最終Matt橫掃Maggie四條鎖匙，成為全Camp最高分，Maggie亦直認與Matt玩親密遊戲有心如鹿撞感覺：「我有怕醜嘅感覺，好耐都冇試過喇，好似返番去小朋友嗰種談戀愛心如鹿撞嘅感覺。」
Maggie閨密鄧伊婷，則大爆Maggie參加這節目真正目的是搵老公生小朋友！伊婷：「Maggie好鍾意小朋友㗎，佢依家已經想生㗎喇，佢就係嚟呢度搵人同佢生。」
