今日官方發布Camping兩批重點宣傳照，第一批是五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）的唯美濕身水著Look，分別穿上紫／白色、白色、花喱碌、墨綠色及紅色泳衣，大晒陽光活力一面。
第二批重點，是Camping其中一個估睡衣遊戲！原來製作組事先要求五位女神要準備自家睡衣帶入camp，分別有黑色Lolita Feel、性感吊帶喱士、爆紅卡通人物款、可愛熊啤啤，及傳統老正絲質款；五組組員需根據大會提供的五張睡衣硬照，推斷出哪一套才是屬於自己的心儀女神。
久別登場的曾展望（GM），於這環節再次展現充滿陽光活力的亮眼表現，事緣當他看畢五款睡衣後，即馬上提出一細節協助隊員推理Sophie Style睡衣，從而凸顯了他平時真的十分留意Sophie。
Camping正式開始前，主持人林盛斌（Bob）會向所有求愛勇者宣布當日成績最好表現的五位男士，將可跟心儀女神單獨同房過夜！一眾男士得知後表現勁震驚，紛紛大叫「好癲！」、「玩到咁大？！」GM接受製作組訪問時，又再展現可愛本色搞笑謂：「死喇，咁即係如果我玩輸咗，佢咪同第二個同房？」
談到在「三角枱約會」失利敗給勁敵林澤謙，GM坦言有很大挫敗感，但卻驅使他這次入Camp變得Carefree：「講真我咁大個仔都未試過咁樣追女仔！上次個挫敗感其實幾強，所以今次呢個camp我係期待，開開心心唔好諗咁多，結果係點就隨緣啦！」至於向來語出驚人的Sophie則豪邁笑謂：「我最期待係同男嘉賓瘋狂交流！」
