夏韶聲（Danny Summer）將於8月2、3日，在紅館舉行兩場《Last Summer》演唱會，今日（30日）夏韶聲與師父、日本著名殿堂級結他手竹田和夫進行綵排。這次個唱他邀請了師父竹田和夫與樂隊Super Band演出，「好開心再見到師父竹田和夫，佢尋日先至到埗，我哋有10幾年冇見，對上一次見面，已經係2009年《諳》喺紅館嘅演唱會，大家當時都有同台演出。」Danny與竹田和夫即場彈唱一曲《New York Woman》，難得聚首夾band，玩得相當開心，「今日我帶咗師父竹田和夫30年前送畀我嘅結他綵排，呢支結他係結他製造商專登做畀師父，而師父送給我時，仲搵咗我師公B.B. King親筆簽咗名，師公都已經走咗，所以世上係獨一無二。」為了慰勞師父與團隊，Danny「萬歲」雞尾包與蛋撻，開騷在即，Danny心情既緊張又興奮，「始終係紅館開騷，當然會有緊張，但係知道就快可以同歌迷見面，心情又好興奮，8月2日大家紅館見啦！」
更多現場圖輯：
