周嘉洛日前出席「防騙便利店」開幕禮並首任一日店長，他笑謂自己經常巡舖，對防騙商品瞭如指掌，更指店內三大防騙互動區域及每件商品都非常出色：「例如杯麵區嘅Deepfake偽人有伏味，唔係『藝人』，係『偽人』啊！平時成日話有片有真相，但騙徒可以用Deepfake技術冒充股神，甚至你嘅家人，所以最緊要係保持冷靜，同當事人查證，唔好有片就信咗先！」
嘉洛更親身體驗三大防騙互動區，大讚設計好玩又過癮，當中他最喜歡「投資切忌耳仔軟糖」及「投資邊有贏硬糖」，直言比較適合現階段的自己：「自己唔係特別聰明，所以便利店嘅商品幫到手！」
嘉洛自爆差點被收數公司成功騙財，幸好當時記得保持冷靜，才能力保不失：「啲騙徒善於捕捉受騙者嘅心理，通常會喺緊迫情況下逼你做決定，甚至會令你擔心埋屋企人。好好彩，喺騙徒嘅對話入面留意到破綻，最後保得住自己荷包。」問到小時候可有被騙或騙人經歷？他笑謂兒時曾欺騙父母：「細個唔識諗，為咗可以參加課外活動，冒媽咪簽名。睇落好似好小事，但係結果當然係得不償失啦，做錯事係要負責任嘅！」
對於有騙徒假扮藝人呃錢，嘉洛原來也是受害者，對於利用Fans對藝人的支持呃錢，他說：「真係好嬲！我係絕對唔會私訊Fans攞錢嘅，大家唔好俾啲花言巧語氹到！幸運地佢哋都好聰明，只能夠講懂得欣賞我才華嘅人都好有思考能力。」最後他更搞笑呼籲騙徒改邪歸正：「有啲行業，賺到嘅錢同種下嘅孽係成正比嘅，騙徒就係一分耕耘一分孽債，愈努力愈危險，我建議各位師兄姐轉行！」
