曾展望、葉蒨文、朱凱婷、麥美恩、譚輝智、何晉樂、張與辰、周吉佩、馮皓揚、黃洛妍、譚凱琪、陳懿德、港姐冠軍陳詠詩、亞軍施宇琪、季軍袁文靜、最上鏡小姐暨友誼小姐李尹嫣等，今日（13日）出席無綫《善心滿載仁愛堂》 記者會，周吉佩表示今次以傳承做主題，所以當晚會與仔仔同台表演，「今次首次同仔仔喺電視上合作，所以佢兩星期前知道後已經開始練歌，都係一班人一齊唱，希望唔好失禮大家，佢仲通知晒所有同學仔捐款，話今次除咗爸爸表演之外，自己都有機會上台表演，而家搞到差唔多全校都知，應該全校都會出一分力，一陣都可能要去學校派傳單。」
張與辰被周吉佩大爆食量大，一日食五餐，「我要谷肥佢，先顯得我比較瘦，」外界對張與辰由入行至今的樣子，亦質疑有明顯的「進化」，有報道發現張與辰原來於2011年曾接受整容手術， 他直認曾進行微整，「無咩唔開心，係事實，已經十幾年前，當時好多謝醫療團隊好專業，俾好多少少微整專業意見俾我，令五官輪廓更加明顯，大家都想自己變靚，出來效好好，仲做埋佢哋生招牌，識我嘅人都知我有整，不過而家唔使整喇，我好滿意而家嘅自己。」
更多現場圖輯：
