劉嘉玲、周潤發夫婦、何超瓊、何超蓮、袁弘、張艾嘉、翁嘉穗、胡智同、郎朗太太吉娜，今晚（31 日）出席「 M + 五周年慈善晚宴」。劉嘉玲穿著一襲黑色閃亮長裙亮相，搭配契合萬聖節氛圍的長指甲。她表示長指甲由網上訂購，戴上後很不適應，其造型更嚇到梁朝偉，即被取笑太誇張。
嘉玲又分享早前和偉仔到啟德觀看 The Weeknd 的演唱會，當聽到對方在新歌〈Hong Kong〉中融入王菲名曲〈季候風〉時，兩人興奮跟唱；她坦言大受感動，盛讚整場演出製作精良。她說：「我原本唔係太熟佢，但佢經理人係我朋友，佢同我講佢（The Weeknd）係梁生粉絲，又俾我睇佢 IG，發現佢有 7000 幾萬 followers，我又好似經常會聽到佢嘅歌，於是就安排食飯見面。當晚氣氛好好，佢同梁生都係傾電影，佢對拍戲有興趣，又鍾意設計 MV嘅畫面，都有叫我幫忙聯絡杜可風；佢又有聽王菲嘅歌，對香港有好深厚嘅感情，我諗佢連廣東話都識少少。」
被問及 The Weeknd 有否向她提出幫忙邀請王菲擔任嘉賓，嘉玲回應：「有，但阿菲喺北京，唔得閒，否則就好完美，睇到 MV 時都好感動，佢應該比我哋更愛香港，喺畫面上睇到好多香港好靚嘅味道。」
近期不少藝人籌備演唱會，古天樂已經開唱，也傳出張家輝明年舉辦個唱，問到偉仔可有開騷念頭時，嘉玲笑言：「唔好，我哋又唔唱得，梁生喺舞台上又會唔自在，唔通喺台上面 HEA 咩？」她補充指過去有很多邀請偉仔擔任演唱嘉賓的機會，全都被他推辭。至於她會否登台唱歌，嘉玲坦言：「唔會，雖然我曾經出過碟，但呢個係一個錯誤嘅決定，嗰時後生無所謂，我真係唱得唔好，對唔住觀眾。」
另外，偉仔主演的電影《寂靜的朋友》代表匈牙利角逐第 99 屆奧斯卡金像獎最佳國際影片，嘉玲表示能夠獲得參賽資格很開心，目前還未知能否順利入圍，「如成功入圍，一定會同偉仔一齊出席活動，因為我從未去過奧斯卡。」
嘉玲也聊起梁朝偉近來的新愛好 —— 開跑車兜風，形容他像小朋友一樣，每天調好鬧鐘起牀出門遊山玩水。她覺得這是好事，畢竟偉仔打拼多年，可以享受自己喜歡的事情，但安全永遠是第一位。不過她坦言不享受坐偉仔的跑車，「又低又矮，落車又唔方便。」
偉仔早前在社交平台發布一張照片，畫面中的他看著吃公仔麵的嘉玲，並配文：「唔好食啦。」嘉玲解釋：「偉仔唔係唔鍾意我食公仔麵，只係唔想我食得太多。」
更多M + 五周年慈善晚宴照片：
