張敬軒紅館演唱會昨晚（30/12）來到第六場，請來梁詠琪（Gigi）擔任表演嘉賓，合唱《兩個人的幸運》。軒仔一直視Gigi為女神，她的歌陪伴他度過了整個「十月芥菜」的時期，他又自爆初爆女友與Gigi樣子相似，只是比她矮半個頭，「不過依家已經嫁咗人，個老公好似係生意人，好幸福。」Gigi問道：「咁你係咪好傷心呀？」軒仔即轉話題，表示求學時經常聽Gigi的歌，Gigi馬上插口：「喂，咪住先，我Google過，我其實大你幾年㗎咋！你唔好講到我好似大你幾代咁。」軒仔打圓場，「唔係，你入行入得早啫！」
Gigi之後又說出一個關於軒仔的故事，「2015年，當時我哋有一位共同朋友，佢爸爸有病成日出入醫院，媽媽年紀又大照顧唔到，你身為佢朋友，知道佢難處之後，就同佢講，我屋企有個司機，不如用我個司機車你爸爸去醫院啦。當時佢好多謝你，減輕咗佢負擔。過一段日子，呢個朋友更發現，原來當年所謂軒仔司機，唔係你司機，係你特登出錢包起架車來幫佢。你真係私下做好多好事喎‥‥‥」軒仔謙稱：「幫到人係我福氣。」
Gigi又唱出《一天一天》，軒仔形容這是「十月芥菜」時期最喜歡的一首歌，「每次一聽呢首歌我就春心蕩漾。」
