洪永城（Tony）昨日（6日）踏入38歲，準爸爸特別與臨盤在即的愛妻梁諾妍（Inez）到南丫島一日遊，齊齊欣賞日落，既溫馨又浪漫。
雖然Tony是壽星仔，但一切以太太為先，「廿四孝老公」全程傍實Inez，相當貼心！他在IGc分享甜蜜合照，並寫道：「今日好開心，雖然自己生日，但好似幫人慶祝一樣，佢話好耐冇去過南丫島、佢話好想試嗰間泰式餐廳、佢話想去戶外影吓相睇吓日落、佢話想食芝士蛋糕、點都好，最緊要佢滿足我就滿足。」Tony又問太太有否準備生日禮物，Inez亦回覆：「我問佢我份禮物呢？佢話咪俾咗你囉 （跟住指住個肚。）of course, love you, Happy birthday to me」
梁諾妍亦留言：「係你生日，係你陪我行南丫島，陪我食海鮮炒飯雪糕泰國餐廳同蛋糕，仲要扶住我陪我慢慢行。生日快樂辛苦你啦，你份禮物仲on the way，你等多陣就收到架啦」
圖片來源：洪永城、梁諾妍@Instagram
