一周星星｜曾志偉冇諗過自己咁鬼冇用　 以為三年搞掂仍留憾事

本周日（11日）晚播出的《一周星星》第五集嘉賓，是在早前在《萬千星輝頒獎典禮2025》中榮獲「萬千光輝榮譽傳奇」獎項的曾志偉，他更親自欽點黎芷珊做今集主持。

TVB早前宣布曾志偉將於今年1月21日起，由現任總經理（節目內容營運）一職轉任新成立、專責就新節目內容及策略方向向董事局提供建議的諮詢委員會召集人，持續推動TVB內容生態發展。宣傳片中，被問到為何這時候決定辭任總經理？志偉大方回應：「五年對我嚟講太漫長」，並坦言擔任總經理壓力大：「我有時想講啲嘢，你嘅身份唔講得㗎，我哋上市公司嚟㗎，好辛苦呀，都唔似我嘅。」、「我冇諗過我咁鬼冇用，五年先做到咁樣。我以為三年就搞掂啦，但呢隻遊輪太大隻，航空母艦嚟。」志偉又指其實子女們一早想他卸任：「佢哋想咗好耐㗎喇，直情恐嚇：『做夠未呀？！』，仔女大咗就惡過你呀。」

無所不談的志偉，還坦言在這五年任期內，有一件事是他想做但一直未做到的：「呢樣我覺得最遺憾」，到底是甚麼事？志偉在節目中又談到任內五年自己的種種轉變。提到五年任期內難免有批評的聲音，志偉希望觀眾能多多包涵：「『有啲嘢點解咁㗎？』喂冇得使、慳住做咪會出現少少問題，見諒見諒。」、「要轉虧為盈，慳住使都係一個辦法之一嚟嘅。」志偉又坦言當初計劃推出《中年好聲音》時，並未有預算過能有今天的成績：「冇諗過反應咁大。」並透露當初單是節目的命名，也有小故事。