TVB娛樂訪談節目《一周星星》由區永權主持，今晚（12日）一集邀請到《正義女神》主演佘詩曼與譚耀文擔任嘉賓。負責向兩位主角提問的，則有黃宗澤、草蜢、陶大宇、黎耀祥、文頌嫻、何廣沛，以及與譚耀文合作無間的梁小冰，陣容星光熠熠。
向來快人快語的阿佘，在節目中逐一回應多個傳聞與熱話，包括「高超落淚技巧」、「立定遺囑」、「7日時間背100頁對白」及「食極唔肥」等。談到喊功，阿譚大讚阿佘落淚時間精準得驚人：「佢真係可以去到邊一秒要喊，就撳掣可以喊㗎喇。」區永權聞言即打蛇隨棍上，追問曾有《宮心計》幕後人員透露，阿佘對劇本時不但會問「邊一句要喊」，更會問「要左眼還是右眼（落淚）」。
阿佘又坦言，拍攝《宮心計》時因監製要求極高，壓力爆煲，拍畢後仍因壓力問題失眠長達半年。後來向中醫求診，得到的答案是：「好似跑車開咗turbo唔識停。」
被閨密文頌嫻「指控」為何食極都能擁有「千年佘腰」，阿佘忍不住開心分享：「我真係食極都唔肥，同埋我一定要食宵夜！」她更細述，若不吃宵夜便會跌入「為食地獄」，而且會有後遺症：「如果我唔食宵夜就瞓覺多過兩、三日，我係會瘦㗎。」當阿佘說出吃過「最Heavy的宵夜」是甚麼時，全場陷入瘋狂尖叫，阿譚忍不住說：「可唔可以借啲DNA嚟驗吓？」阿佘最終更親揭擁有這種體質的原因，全因一次極致的拍劇經歷。
此外，阿佘應何廣沛要求，分享她的「超認真劇本背默大法」：「我坐車係唔講嘢㗎，咁我前面有一疊通告單，我就會反轉佢，係咁寫係咁寫。寫完一次背完喇，再寫一次、再寫一次、再寫一次。即係一段對白我寫五次、六次，咁就一定記得喇。」
