TVB助理總經理樂易玲直認香香上周已約滿無綫，更表示香香一年前已決定約滿後返加拿大調理身體，準備生B。無綫處女黨包括鍾嘉欣、李亞男、苟芸慧等，先後離巢，如今只得王君馨留守了！
樂易玲說：「剛過去的星期已約滿了，而且她已結婚兩年，覺得自己係時候生小朋友，現在需要調理好身體，生一兩個就最好，老實講她們開心就得，佢為TVB工作多年，又找到好歸宿，好老公，最重要佢兩老婆決定好就得，雖然一定要有所犧牲，但只不過係暫時犧牲工作，無問題的，因為工作可以做好長，生兒育女就要生兒育女，遲了就會變高齡，而且她身邊的女性朋友結婚後都陸續生小朋友，她都會渴望生B，而且她屋企人都是正統家庭長大，所以她好想結婚，生仔。搵錢永遠不會嫌多，但足夠就夠了。（會否可惜？）什麼角度覺得可惜？站在觀眾立場上當然會可惜，但如果我當她是我的兒女，就無覺得可惜囉，為何會可惜？這是她決定，找到好老公，又有個美滿家庭，如果自己錯過了適合生BB的時候，就真的可惜。目前她人在加拿大，但也會返香港，在香港有屋，所有嘢都仍在香港，都需要處理。」
相關文章：
有傳解約原因是因為監製劉家豪的新劇《解決師》原本預了香香演女主角，但最後竟然易角變成唐詩詠，令香香嬲到要同TVB解約，樂易玲說：「劇集無飛起佢，劉家豪好早前已經搵佢，佢已有生BB打算，想合約完了就回加拿大，她有這個想法已經是一年前，所以這次預了唐詩詠，我都同劉家豪講讓她返加拿大，最重要是她要養好身體，因為接一個長劇，又要捱更抵夜，唔得嘅，我們公司每一位女藝人不是打不死的，都需要時間休養。」
圖片來源：岑麗香@Instagram