電影《總是有愛在隔離》雲集香港電影業許多影星傾力演出，張智霖與張繼聰在戲中也犧牲色相，飛車、打鬥、唱歌、搽油，施展渾身解數。
Chilam在戲中要幫阿聰搽蘆薈油，他直言幫人按摩不容易，「特別阿聰啲肌肉咁厚⋯⋯真係每個行業都有艱難嘅地方。」阿聰與Chilam「肉」帛相見，但因為早已熟落，不覺得尷尬，他提到有一幕焗桑拿戲很難忘，表示：「以為有桑拿戲好爽，點知浸完冇得按摩，同埋我覺得我哋好似打邊爐個爐入面嘅雜菜，出晒煙！」Chilam非常認同，補充道：「我哋浸到暈暈地，其實一班負責拍攝的劇組人員同我哋一齊浸，佢哋仲辛苦。」
Chilam有一場唱歌戲，本以為是他的強項，可以手到拿來，豈料卻把他難倒，因為要唱的是兒歌《Baby Shark》，阿聰笑言：「作為歌手唱開啲複雜嘅歌，要唱呢啲簡單嘅旋律係有難度；不過Chilam辛苦啲，冇乜點聽過呢隻歌，我聽呢隻歌已經聽咗過億次！但呢場戲其實我哋係襯托個小朋友，哈哈。」
