【殺神3】奇洛李維斯打手印簽足三次名

動作片迷期待已久的《殺神John Wick 3》將於明天（5月16日）「殺」入戲院，日前「殺神」男主角奇洛李維斯（Keanu Reeves）獲邀在荷里活星光大道的TCL中國戲院（TCL Chinese Theatre）打下手印、腳印，表揚他在銀色事業上的付出和成就。

打腳印時，奇洛調皮地捏鼻扮潛水，認真搞笑。

奇洛李維斯作為一名完美主義者，他無論在演技和生活細節上都追求做到100分，而他的手印將要名留清史，當然唔可以有任何缺失。所以佢喺星光大道簽名一發現唔對路，就搵工作人員幫佢鋪平番水泥重簽，最後足足簽咗三次先決定收貨。而三位戲中拍檔金像影后荷爾芭莉、金像提名男星羅蘭士費斯賓（Laurence Fishburne）及金球視帝伊恩麥聖（Ian McShane）都一齊抽空現身撐場，真係俾足面呢位男主角。

另外，《殺神John Wick 3》早前已在倫敦安排播映特別優先場，不少影評家也大讚電影非常出色，動作特技也比前兩集更勝一籌，是系列中最刺激的一集。