蔡卓妍（阿Sa）今周孖鍾欣潼（阿嬌）為好姊妹容祖兒慶祝41歲生日，現身處內地工作的她平時生活亦過得相當充實。今日阿Sa在IG貼出關智斌（Kenny）在泳池拍的照片，並寫道：「好耐冇同陽光玩遊戲喇，真係好鍾意同呢個人影相，因為佢點影都靚。」而Kenny就留言：「昨晚數過我們一起去過旅行的城市，由最熱辣辣的曼谷、芭堤雅去到最冷的芬蘭赫爾辛基的聖誕老人村，原來我倆都走了半個地球。今日再加一站，正蔡妍與刀疤斌。」相中見Kenny大騷肌肉，而阿Sa則穿泳衣上陣，相當有睇頭！網民大讚二人好索，「郎才女貌好襯」、「靚sa + 型斌正到爆」 祖兒亦說好友「辣」，鄭欣宜表示：「吓！？呢個唔係廣告黎㗎喎！冇天理！兩個都可以靚到咁。」
點擊睇更多關智斌靚相：
圖片來源：關智斌、蔡卓妍@Instagram
